Rama: Nga korriku do të ulim taksën për bizneset mbi 80 milionë xhiro

15:27 | 09/06/2018

Gjatë bashkëbisedimit me qytetarët e Lushnjes në kuadër të turit të llogaridhënies kryeministri Edi Rama njoftoi se në korrik qeveria që drejton do të miratojë në parlament një ndryshim në paketën fiskale. Këtë kryeministri Rama e argumenton si vijim të uljes së taksave për 92% të bizneseve.

Nga Lushnja, ndalesa e radhës së turit të llogaridhënies qeveritare, kryeministri Edi Rama, pasi quajti rilindjen si qeverinë që ka ulur taksat në këto 5 vjet, njoftoi ndryshimin e radhës në paketën fiskale.

“Në korrik ne do të kalojmë një masë të re ku do të ulim taksën edhe për një pjesë tjetër të biznesit që kalon pragun e 80 milionë xhiro në vit. nga 80 milionë deri në 140 milionë do ulim taksën nga 15% në 5%”.

Portali “shqipëria që duam” ku qytetarët mund të denoncojnë ankesat që kanë ndaj zyrave të shtetit dhe retorika e shtimit të numrit të punëmarrësve nga zyrat e punësimit, morën pjesën dërrmuese të fjalës së kryeministrit.

Ankesës së një qytetari lushnjar për pamundësinë e fshatarëve në marrjen reale të subvencioneve nga shteti, kryeministri Rama i vuri përballë standardin europian.

Takimit me banorët e Lushnjes i parapriu një protestë e organizuar nga forumi rinor i Partisë Demokratike. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono