Rama në uzinën e ferro-kromit në Elbasan

21:33 | 13/11/201721:330

Uzina e ferro-kromit në Elbasan është ringritur falë një investimi prej 20 milionë euro. Gjatë një vizite në këtë uzinë kryeministri Edi Rama theksoi se ky transformim është një kalim nga faza e shitjes së materialit të përpunuar për një copë bukë tek rriutja e vlerës dhe përfitimi më i madh kombëtar.

Kryeministri Edi Rama vizitoi të hënën uzinën e prodhimit të Ferrokromit në Elbasan. Përmes një investimi 20 milionë euro në këtë uzinë, e treta e këtij lloji në vend, është bërë ndërtimi dhe vënia në punë e furrës së parë. Sipas një materiali të shpërndarë nga kryeministria, investitori, kompania GSA, ka planifikuar dhe një ivnestim 12 milionë euro për ndërtimin e dy furrave të tjera.

“Ka një kapacitet 20 mijë tonë në vit dhe është bërë një investim 20 milionë. Ka të punësuar 120 vetë. Pagat e punonjësve, në mesatare është 800 mijë”.

Ringritja e kësaj uzine u konsiderua një transformim i madh nga kryeministri Rama që do të rrisë vlerën e mineralit dhe përfimin kombëtar.

“Ky është transformim i madh, sepse kalon nga ajo faza e tmerrshme të shitjes së mineralit të papërpunuar që është për një copë bukë tek rritja e vlerës dhe tek përfitimi i madh edhe kombëtar. Në momentin kur industria do bëhet e aftë që të përpunojë gjithë çfarë nxjerr këtu, do ndalohet ikja e mineralit për një copë bukë. Se ishte 25 vjet për një copë bukë, u shkatërrua çdo gjë”.

Sipas kreut të qeverisë infrastrukturë moderne i rrit vlerën edhe pasurisë nëntokësore.

“Krijimi i lidhjes midis gjithë asaj pasurie të madhe që është në nëntokë atje me infrastrukturën për përpunimin e tij, edhe vetëm ajo ia vlen në mënyrë që ajo pasuri të bëhet vlerë e shtuar për popullin”.

Përveç zgjerimit të kapacitetit përpunuës të industrisë në tregun e brendshëm ringritja e kësaj uzine ka rritur prezencën e produkteve “Made in Albania” në tregun botëror./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono