Rama në Paris, takon Presidentin francez Macron

14:13 | 15/05/201814:130

Kryeministri Edi Rama u takua sot në Paris me Presidentin francez, Emanuel Makron. Sipas njoftimit të faqes zyrtare të presidencës franceze, takimi ishte parashikuar në orën 11:00 në pallatin presidencial francez. Nuk ka ende asnjë njoftim nga zyra e shtypit e kryeministrit për këtë takim dhe çështjet e diskutuara.

Por nga ato që ishin paralajmëruar edhe nga vetë kreu i qeverisë shqiptare, Rama do të duhej të bindte presidentin francez për votën e Francës pro hapjes së negociatave të Shqipërisë me Bashkimin Europian ne muajin Qershor.

Ky takim u vendos javën e kaluar, ndërsa më herët kryeministri Edi Rama kishte premtuar se do të bindë Presidentin Macron, madje është shprehur besimplotë se do t’ia dalë.

Rreth dy javë më parë kreu i qeverisë shqiptare u takua ne Berlin me kancelaren gjermane Angela Merkel. Në një takim të gjatë 90 minuta biseduan për hapat e hedhura dhe ata të ardhshëm të Shqipërisë drejt integrimit në familjen evropiane./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono