Rama në Kishën Katolike në Elbasan/I dorëzon çertifikatën e pronësisë

15:37 | 14/03/2018

Për Kishën Katolike Shën Piu X, në Elbasan merr fund problemi i pronësinë mbi tokën. Çertifikata e pronësisë i është dorëzuar kishës nga vetë Kryeministri Edi Rama.

Me duartrokitje pritet kryeministri Edi Rama në Kishën Katolike Shën Piu X në Elbasan. Arsyeja është se ky institucion kulti rrezikonte rrënimin e saj për shkak të mungesës së certifikatës së pronësisë.

“E cila, pasi kaloi përgjatë flakëve të ferrit të diktaturës, u desh të ndeshej për çerekshekulli me flakët e ferrit të administratës.”

Por ekzistenca e kishës katolike në Elbasan nuk rrezikohet më pas kësaj dite.

“Më vjen mirë që, përfundimisht, përgjithmonë, nga sot kisha do disponojë pronën e saj të regjistruar dhe të patundur dhe të patundshme më,” u shpreh Kryeministri.”

Nunci Apostolik në Shqipëri, Charles John Brown i ka shprehur Kryeministrit Edi Rama mirënjohjen e veçantë për mbështetjen edhe në emër të Papa Franceskut.

“Në emër të Papa Françeskut, e falenderoj Kryeministrin për ndërhyrjen dhe mbështetjen e tij. Sot është një ditë e bukur për të qënë këtu në Elbasan, ndërsa festojmë ditën e parë të verës dhe ju falenderoj edhe njëherë për gjithçka keni bërë. Faleminderit Kryeministër!” – deklaroi nunci apostolik Charles John Brown.

Kryeministri i siguroi se qeveria është e angazhuar t’i japë fund problemeve me pronësinë në të gjithë institucionet e kultit në vend.Nga ana e tij ai i falenderoi që folën me zotin gjatë natës.

Përtej mbështetjes shpirtërore që gjejnë besimtarët katolikë në këto ambiente aktiviteti social i ushtruar në të përfshin një gamë të gjerë veprimtarish, në interes të gjithë komunitetit të qytetit dhe rrethinave të Elbasanit. /abcnews.al

 





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono