Rama në familjen e Niko Ahmetit, premtoi rindërtimin e shtëpisë

15:32 | 08/09/201815:320

Kryeministri Rama i shoqëruar nga ministrja e Shëndetësisë dhe Mbrojtjes Sociale Manastirliu, ishin në fshatin Vajzë të Vlorës ku panë nga afër kushtet e vështira në të cilat jeton familja e Niko Ahmetit. Këtij të fundit iu premtua rindërtimi i shtëpisë dhe ndihma për familjarët.

Familja e Niko Ahmetit që banon në fshatin Vajzë të Vlorës priti mysafirë. Shtëpia e tyre gjendet larg nga fshati duke bërë kështu të vështirë furnizmin me energji elektrike. Ahmeti ka 5 fëmijë, 3 djem dhe 2 vajza të cilët jetojnë në një banesë që rrezikon të shembet.

Niko Ahmeti: “Pa drita, pa ujë, pa rrugë. Marr vetëm një ndihmë ekonomike 8000 mijë lek, kjo është familja ime. Kam mbaruar 8 vjeçaren.”

E gjithë familja ushqehet me 8000 lekë ndihmë ekonomike që marrin në muaj. Kryeministri Rama pasi u njoh me situatën i premtoi kryefamiljarit se puna për rindërtimin e shtëpisë do fillojë së shpejti madje do shikohet dhe mundësia që pjestarët e familjes Ahmeti të përfitojë nga grantet për zhvillimin rural.

Edi Rama:“Do të gjejmë një mënyrë që do të të ndihmojmë dhe për shtëpinë, do ndihmojmë edhe djemtë. Do të bëjmë një plan për t’ju asistuar për të marrë një mbështetje si fermer për të bërë një blegtori të vogël këtu.”/abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono