Rama-Metës: Gjykata e re Kushtetuese do i japë fund maskaradës

13:21 | 12/01/2019

Për kryeministrin Rama, Ilir Meta është pengmarrës i Kushtetutës nga zyra e Presidentit. Në një reagim në rrjetet sociale, ai theksoi se nuk do të merret me të dhe se do të jetë Gjykata e re Kushtetuese që do t’i japë fund maskaradës siç e quajti ai.

“Mos prisni të merrem më me një pengmarrës të Kushtetutës në zyrën e Presidentit, i cili është katandisur në çizme rezervë e Doktorreshës së Shkencave. Gjykata e re Kushtetuese do t’i japë fund kësaj maskarade, ndërsa vëmendja jonë do jetë e gjitha tek njerëzit e zero tek çizmet”.

Mëngjesin e kësaj të shtune Ilir Meta në një kundërpërgjigje ndaj deklaratave të Kryeministrit Rama deklaroi se, “Sot në momente të rëndësishme të sfidave tona rajonale, Ministria për Europën dhe Punët e Jashtme e Shqipërisë nuk mund të kthehet në autoshkollë, ku ustai i madh kërkon të mësojë “gjeniun” si të ndryshojë kufijtë e të gjithë Ballkanit Perëndimor”.

Sipas Metës, Partia Socialiste ka kapacitete të jashtëzakonshme dhe diplomatë të sprovuar që mund të marrin drejtimin e dikasterit të Punëve të Jashtme./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono