Rama me Presidentin e KiE: As Franca nuk do arrinte sot të hapte negociatat

14:49 | 24/01/202014:490

Kryeministri Rama priti sot Presidentin e Këshillit Europian, Charles Michel i cili po viziton vendin tonë. Në përfundim ata dhanë një konference të përbashkët për mediat, ku z. Michel theksoi se nuk ka unanimitet mes vende të BE-së për të hapur negociatat për Shqipërinë dhe Maqedoninë e Veriut. Ai sqaroi se ka debat për modelin e ri që do të aplikohet për negociatat, ndërsa theksoi se në javët në vijim në Bruksel do të paraqitet strategjia e re me tre shtylla.

Sakaq e mori fjalën Edi Rama i cili tha se “ajo që po ndodh sot është një qasje të re, një dimension i ri mes BE dhe Ballkanit Perendimor, pra zhvillime pozitive, jo hapje formale e negociatave”.

Për ta ilustruar këtë Rama tha se “edhe sikur Franca vetë të ishte duke aplikuar sot për hapjen e negociatave, nuk do i merrte ato”. Kjo pasi vetë qeveria e BE-së ka debate për metodologjinë e pranimit të shteteve të reja.

Sakaq, Kryeministri kërkoi që të për sa kohë nuk janë hapur negociatat, vendet e Ballkanit duhet të inkurajohen përmes investimeve. “Kjo duhet të materializohet në inevstime, përmes BERZH dhe instrumentave të tjerë për vendet e rajonit, në sektorët kyç”, tha ai, teksa shtoi se “ne do të vazhdojmë të bëjmë gjithçka sikur negociatat të ishin hapur, sepse këtë e bëjmë për veten jo se na e kërkon Presaidenti i KiE”. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono