Rama mbledh PS e qeveri në Elbasan, diskutohet situata dhe zgjedhjet

21:31 | 13/03/2019

Kryeministri Edi Rama ka mbledhur këtë mbëmje në Elbasan anëtarë të kabinetit qeveritar dhe anëtarë të kryesisë dhe deputetë të Partisë Socialiste.

Pasi kaluan trafikun e madh të automjeteve në rrugën Elbasan-Tiranë, Kryeministri dhe ministrat e kabinetit të tij qeveritar u mblodhën një natë para festës së Ditës së Verës në Elbasan.

Ende nuk ka një version zyrtar lidhur me axhendën, por burime pranë qeverisë pohuan se në qendër të diskutimeve do të jetë situata politike e krijuar në vend, kongresi i 23 marsit të Partisë Socialiste dhe zgjedhjet vendore të 30 qershorit.

Temë e këtij takimi janë edhe projektet për Elbasanin në veçanti.

Gjatë ditës së verës  Kryeministri Rama ka planifikuar një axhendë të ngjeshur për festën. Nga vizitat në panair e ekspozita e deri në shijimin e një kafeje në Kalanë e Elbasanit.

Në 14 mars Elbasani është qyteti që pret edhe kryetarin e Partisë Demokratike Lulzim Basha axhenda e të cilit është e ndryshme nga ajo e kryeministrit, kryesisht takime me qytetarët. /abcnews.al

 


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono