Rama: Do t’i rikthejmë Vlorës qendrën historike

12:47 | 17/02/2019

Gjatë qëndrimit në Vlorë, kryeministri Edi Rama u ndal në inspektimin e punës për rindërtimin dhe restaurimin e qendrës historike të Vlorës, gjë që sipas tij, do të përmirësojë ndjeshëm perspektivën turistike.

Punën për rindërtimin dhe restaurimin e godinave historike dhe monumenteve të kulturës në qendrën historike të Vlorës, e inspektoi vetë kryeministri Edi Rama. Projekti përfshin ndërhyrje në 68 objekte, monumente kulture dhe objektetë zonës arkeologjike B të qytetit.

Ministria e Kulturës shpjegon se gjatë punimeve janë bërë edhe zbulime të papritura.

“E gjithë kjo u zbulua në momentin që filluan prishjet dhe heqjet e suvatimeve. Këtu kanë ecur avash për të bërë dhe pjesën e restaurimit si qëndisje”, tha ajo.

E gjithë kjo përmirëson ndjeshëm perspektivën turistike të zonës sipas kryeministrit.

“Unë pashë Korçën herën e fundit, gjithë ajo zona e pazarit tani ka hyrë komplet në atë sistem që duhet të hynte dhe këtu do ndodhë e njëjta gjë. Do bëhet zonë turistike fantastike”, u shpreh Rama.

Derimë tani, sipas njoftimit të zyrës së medias në Kryeministri, ndërhyrjet kanë përfunduar në 53 objekte në rrugën “Justin Godar”, ish-pazari, “Lagjja e hebrenjve”, klubi “Labëria” dhe ish-Sinagoga, xhamia e Tabakëve, më e madhja e qytetit./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono