Qyteti i Shkodrës dhe jeta e Simon Rrotës përmblidhen në një libër 

17:05 | 11/09/2018

Mjeshtri i penelit Simon Rrota na sjell penalatat e qytetit të Shkodrës, kësaj here jo me ngjyra, por me shkrim. Ditari i tij i mbajtur nga viti 1902-1905 është përmbledhur në librin “Po shkruej për vedi e Shkodrën”.

Çdo cep i Shkodrës së 1902-1905 vjen i përshkruar me një gjuhë krejt veçantë nga mjeshtri i pikturës Simon Rrota. Historia, arti, kultura dhe sakrificat e shkodranëve gjatë rrethimit të qytetit nga malazezët vjen si një tablo e madhe përmes ditarit të Simon Rrotës shpjegon Pjetër Logoreci i cili është kujdesur për të nxjerrë dritë këtë ditar.

Pasardhësit thonë se përmes këtyre kujtime, po rinjohin dimensionin e Simon Rrotës,  të cilin më tepër kanë krijuar imazhe përmes rrëfimeve familjare. Mbesa Rita Rrota veçon  tek ai vendosmërinë dhe guximin, për të zbuluar veten.

Studiuesja e artit pamor Eleni Laperi veçon te Simon Rrota dhe Kol Idromeno, pionerët e  piktures  shqiptare, të cilët shtruan rrugën e artit pamor shqiptar nga asgjëja.

Kujtimet e tij për studiuesen e artit kanë vlerë edhe për sinqeritetin e të shkruarit.

Tashmë kushdo që do të njohë më shume Simon Rrotën do të mund të zbulojë anë të panjohura në librin “Po shkruej për vedi e për Shkodrën”. Libri fillon me shënime e ngjarje emocionuese që nga viti 1902, kur vendi ndodhej nën pushtimin osman. Dorëshkrimet flasin për momente interesante që autori i ka përjetuar me kolosin At Gjergj Fishta, mjeshtrin Kolë Idromeno, veprat e tyre si dhe anektodat nga kontaktet me ta. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono