Qetësohet Klopp, Liverpool ndahet në dysh dhe futet në histori

11:23 | 09/12/201911:230

Liverpool po “fluturon” në kampionat dhe kryeson me 8 pikë më shumë se Leicester City ndjekës. “The Reds” kanë barazuar vetëm një herë në 16-të javë dhe i kanë fituar ndeshjet e tjera. Titulli mungon prej vitit 1990 dhe ekipi i Klopp është në rrugën e duhur për ta rikthyer trofeun e madh në qytet.

Klubi anglez do të futet në histori këto ditë, edhe pse pa dëshirë. Fitimi i Champions League sezonin e kaluar bën të mundur pjesëmarrjen në Botërorin e klubeve, por ka probleme me kalendarin. Me datë 18 dhjetor është gjysmëfinalja e Botërorit, teksa një ditë më parë është programuar të luhet çerekfinalja e Carabao Cup me Aston Villa.

Jurgen Klopp kërcënoi në fillim të nëntorit me tërheqje nga kompeticioni i Kupës së Ligës, por trajneri është qetësuar dhe është gjetur një zgjidhje. “The Reds” do të luajnë me ekipin e të rinjve kundër Aston Villa, ndërsa 24 orë më pas, 5500 km më larg, do të zbresë ekipi i parë në fushë për gjysmëfinalen e Botërorit të klubeve. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono