Pylli i Sodës, si po shkatërrohet plotësisht mushkëria e Vlorës

17:07 | 05/11/2018

Është folur shumë që Pylli i Sodës në Vlorë do t’i kthehet banorëve ashtu siç ka funksionuar kohë më parë. Por me kalimin e viteve aty gjithçka po dëmtohet dhe po shkatërrohet.

Policët bashkiakë që e ruanin pyllin nuk janë më. Qëndruan këtu vetëm pak muaj vitin e kaluar dhe u larguan. Patrulla u vendos me urdhër të Kryetarit të Bashkisë dhe qëllimi ishte për të penguar shkatërrimin e Pyllit të Sodës.

Pemë të prera dhe depozitim mbetjesh. Kjo është panorama në atë që duhej të ishte oksigjeni i një qyteti bregdetar si Vlora.  Dhe pse vetëm 7 kilometra larg qendrës masakra vazhdon prej shume vitësh. Dhe s’ka asnjë tentativë për ta ndryshuar atë.

Pemët thyhen e priten, kurse tonelata mbeturina hidhen çdo ditë. Nuk është mbushur viti që këtu u investua një rrugë, por kjo nuk e ka ndryshuar destinacionin.

Pylli mbetet i pavizitueshëm dhe ndotësit shfrytëzojnë ta kthejnë atë në një vendgrumbillimi plehrash.

I krijuar në vitet ’60 për të mbrojtur qytetin dhe në fakt zona, nga shtëpia e malaries dhe mushkonjave, u bë mushkëria e Vlorës.

Tani mbetet vetëm të themi, na ishte njëherë Pylli i Sodës.

Gazetar i ABC News, Vlorë: Elton Nika


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono