Putin: Rusia e gatshme të tërhiqet nga traktati START

10:02 | 07/06/2019

Në një diskutim të gjerë për politikën e jashtme, Presidenti Vladimir Putin tha se Rusia është e gatshme të heqë dorë nga një traktat i ri i Kontrollit të Armëve START, nëse Shtetet e Bashkuara nuk janë të interesuara ta rinovojnë atë.

Duke folur të enjten në Forumin Ekonomik Ndërkombëtar në Shën Petersburg, presidenti Putin gjithashtu mohoi se Moska po tërheqë personelin e mbrojtjes nga Venezuela, duke kundërshtuar një koment të mëparshëm nga Presidenti amerikan, Donald Trump.

Për Britaninë, udhëheqësi i Rusisë tha se është koha që të dy vendet të “kthejnë faqen” në lidhjet e tyre të tensionuara dhe të “lënë pas” çështjen në lidhje me helmimin e një ish-spiuni rusë në Angli vitin e kaluar.

Putini i bëri komentet mes tensioneve të vazhdueshme mes Rusisë dhe Perëndimit lidhur me çështjet që përfshijnë konfliktet në Ukrainë dhe Siri, ndërhyrjen e Moskës në zgjedhjet e vendeve të tjera dhe sulmin me agjentit nervor ndaj ish agjentit të dyfishtë rus Sergei Skripal dhe vajzës së tij në qytetin jugor britanik Salisbury.

Ekzistojnë gjithashtu paqartësi mbi fatin e dy traktateve të kontrollit të armëve mes Shteteve të Bashkuara dhe Rusisë, duke përfshirë një START të ri, i vetmi pakt bilateral që kufizon dislokimin e armëve bërthamore strategjike.

Në një takim me krerët e agjencive ndërkombëtare të lajmeve në Shën Petersburg, Putini tha se Uashingtoni ngurron të fillojë bisedimet për zgjatjen e marrëveshjes, e cila do të skadojë në vitin 2021./VOA


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono