Punimet në Qafën e Pazarit, banorët: Hata e madhe na gjeti

13:20 | 08/09/201913:200

Punimet në Qafën e Pazarit në Gjirokastër u kanë krijuar shumë probleme banorëve. Ata kërkojnë nga vendorët lehtësim të situatës deri sa të mbarojnë punimet.

Kanëmuaj që i tërheqin valixhet zvarrë. Në Qafën e Pazarit në Gjirokastër nuk mund të lëvizë asnjë mjet për shkak të punimeve. Fillimisht u tha se  rikonstruksioni do të bëhej me faza. Që do të thotë se njëra anë e rrugës do të ishte e hapur për shërbimet. Por në të vërtetë investimi po kryhet në bllok dhe banorët duken të lodhur nga ky fakt.

Ata thonë se asnjë ambulance, zjarrfikëse, apo makinat e pastrimit nuk ndërhyjnë dot në raste emergjence. Vështirësi paraqiten edhe për bizneset, hotelet dhe restorantet. Vizitorëve u duhet që bagazhet t’i marrin vete mes pluhurit dhe ndërtimeve. Banorët kërkojnë nga vendorët një zgjidhje alternative sepse jeta u është vështirësuar.

“Është bërë një takim në bashki dhe nuk është se arritur në një zgjidhje”.

“Kjo është një hata e madhe që na gjeti neve. Nga një anë gëzojmë që u rregullua pazari, nga një anë kjo lagje u bë e vdekur. Ne s’kemi para që të marrim një shtëpi me qera”.

Punimet në Qafën e Pazarit nisën në fund të muajt Nëntor të vitit të kaluar. Projekti me vlerë mbi 137 milionë lekë ka një afat zbatimi njëvjeçar. Edhe pse rehabilitimi i infrastrukturës nëntokësore të Qafës së Pazarit  ka përfunduar, qarkullimi vazhdon të jetë i ndërprerë për shkak të ndërhyrjes në kalldrëme dhe nevojës për stabilizimin e segmenteve të përfunduara./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono