Publikohen të tjera përgjime të dosjes “Babalja”

09:48 | 02/04/2019

Ish-deputeti i PD-së, Ervin Salianji, ka publikuar mbrëmë në emisionin “Opinion” në TV Klan të tjera përgjime bisedash, pjesë e dosjes së prokurorisë për çështjen e njohur si “Babalja”.

Është fjala për biseda telefonike mes Fredi Alizotit, i arrestuar në Tetor të vitit të kaluar, i dyshuar si personi që aktroi zërin e Agron Xhafajt dhe ish-drejtorit të Policisë së Qarkut Fier, Albert Nushi.

Në përgjime dëgjohet Alizoti të thotë se kërkon të takojë shefin e madh dhe se nuk ka kthim pas nga ajo që ka vendosur.

Po ashtu në një tjetër bisedë telefonike të përgjuar, ish-drejtori i Policisë së Fierit, Nushi, i kërkon Fredi Alizotit të shkojë të takojë prokurorin e çështjes “Babale”. Por sipas ish-deputetit Salianji, për këtë takim mes Alizotit dhe prokurorit nuk ka asnjë procesverbal në organin e akuzës.

Gjithashtu në përgjime është dhe një bisedë e Fredi Alizotit që shantazhon një punonjës të një kompanie private, duke u paraqitur si mik i Aldo Bares. Ish-deputeti demokrat tha në “Opinion” se prokuroria, ndonëse ka në dorë këtë përgjim që implikon Alizotin si gjobëvënës, nuk ka nisur asnjë procedim ndaj tij./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono