Publikohen pamjet e aksidentit tragjik në Gjilan

19:30 | 07/03/2019

Qyteti i Gjilanit në Kosovë u trondit të enjten nga një aksident i rëndë rrugor. Një kamion me shpejtësi të lartë humbi kontrollin dhe u përplas me automjete të tjera, duke shkaktuar viktima dhe të plagosur.

Një aksident i rëndë rrugor ka ndodhur paraditen e së enjtes në Gjilan të Kosovës, ku një kamion ka vërshuar me shpejtësi të lartë në një rreth-rrotullim të qytetit, duke goditur disa makina. Si pasojë e përplasjes së fortë, një person gjeti vdekjen dhe 20 të tjerë mbetën të plagosur. Në vendin e ngjarjes mbërritën forcat e policisë dhe repartet e zjarrfikësve, që normalizuan situatën.

Në disa raste, efektivët u detyruan të prisnin automjetet e përfshira në aksident për të nxjerrë prej andej të lënduarit, të cilët u shoqëruan nga auto-ambulancat në spital. Tre prej tyre, për shkak të gjendjes së rëndë, u dërguan në qendrën spitalore në Prishtinë për mjekim më të specializuar.

Ndërkohë, burime nga Prokuroria Themelore e Gjilanit deklaruan se është ndaluar drejtuesi i kamionit dhe se mbi ngjarjen është hapur një hetim për të përcaktuar shkaqet. Aksidenti tronditi mbarë qytetin me rreth 54 mijë banorë, shumë prej të cilëve u mblodhën pranë vendit të ngjarjes dhe dërguan pamje filmike në redaksitë e gazetave të ndryshme./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono