PS: Basha të sqarojë “sallatën ruse” që ka gatuar

13:23 | 11/03/2018

Është radha e deputetit Ervin Bushati t’i kërkojë Lulëzim Bashës që të tregojë për gjysëm milion dollarët e deklaruara nga Nick Muzin për llogari të Partisë Demokratike.

Ervin Bushati: “Lulzim Basha thotë se plot 500 mijë dollarë plus, që rezultojnë në llogarinë e firmës për hesap të atij vetë e të partisë së tij, nuk janë paguar nga PD, por nga individë që ai as nuk i njeh dhe për të cilët ka dëgjuar rastësisht, por jo zyrtarisht. Çfarë është kjo marrëzi? Tallje?! Lajthitje”?!

Në faktet që rendit deputeti socialist “Biniatta Trade LP”, një kompani e regjistruar në parajsa fiskale, e zotëruar nga dy biznesmenë rusë, jo vetëm që deklaron një pagesë prej 150 mijë dollarësh të tjera në favor të firmës lobuese të Lulzim Bashës, por në kontratën e saj parashikohet edhe një tjetër pagesë prej gjysmë milioni dollarësh, të cilën Lulzim Basha nuk e mohon, por refuzon të tregojë burimin e kësaj shumës tjetër prej gjysmë milion dollarësh.

Ervin Bushati: “Pra, gjysmë milion dollarë i paskan shkuar firmës private nga 100 shqiptarë, për të cilët Lulzim Basha vetëm ka dëgjuar që ekzistojnë por nuk i di as kush janë; gjysmë milioni tjetër, sipas Lulzim Bashës, firma i paska marrë nuk dihet se nga kush dhe i paska vënë në dispozicion të tij e të Partisë Demokratike për të paguar propagandën opozitare kundër Shqipërisë në Shtetet e Bashkuara të Amerikës.
Çfarë është kjo sallatë ruse parash, kompanish fantazmë, donatorësh të panjohur, bamirësish të papërmbajtur, ku plot 1 milion dollarë janë hedhur për fabrikën e baltës së Lulzim Bashës dhe Partisë Demokratike pa dijeninë e këtij të fundit”?!

Kjo histori ka një anë tjetër shumë të errët që duhet zbardhur medoemos, sipas deputetit Bushati, për të kuptuar nëse është cënuar interesi kombëtar dhe kërcënuar stabiliteti i vendit. Nga njëra anë, socialistët kërkojnë që kryetari i Partisë Demokratike të japë përgjigje për këto lidhje, nga ana tjetër një pyetje e kanë edhe për prokurorinë.

Ervin Bushati: “Po Prokuroria çfarë pret, që ta thërrasë zyrtarisht Lulzim Bashën dhe ta vendosë nën akuzë për këtë çorbë të padëgjuar ndonjëherë”?!/abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono