6 tubues mbetën në burg, mes tyre Florenc Hoxha dhe “Ujku i Cërrikut”

15:13 | 19/02/2019

Pas gati pesë orë,  Gjykata e Tiranës ka lënë masën e sigurisë “arrest me burg” për 6 të ndaluar mes tyre edhe Florenc Hoxha i akuzuar për katër vepra penale për protestën e 16 Shkurtit. Ndërkohë trupi gjykues ka lënë në “arrest shtëpi” 7 protestues dhe 6 të tjerë me “detyrim paraqitje”.

Vetëm 6 nga 19 prej të ndaluarve për aktet e dhunës gjatë protestës së opozitës ditën e shtunë do të vazhdojnë të qëndrojnë në burg.

Ky ka qenë vendi i Gjyaktës së Tiranës dhënë gjatë një seance që zgjati afërsisht 5 orë.  Në burg do të qëndrojë Florenc Hoxha, Agim Peposhi, Ferit Dankshi Resul Daci, Ilir Hamedini dhe Sajmir Rexhepi, i njohur ndryshe si “Ujuku i Cerrikut”.

Gjyqtarja Rexhina Merlika i konsideroi të vlefshme arrestimet në flagracë të kryera nga organi i akuzës, ndërsa për vendimet për 7 të daluarit e tjerë, u dha vendimi “Arrest shtëpie” dhe me detyrim praqitje u lanë gjithashtu 6 të ndaluar.

Më herët, dy prokurorët, Enkled Gjini dhe Kol Hysenaj kishin kërkuar 14 masa shtrënguar, arrest me burg, dhe katër detyrim paraqitje dhe 1 arrest shtëpie.

Vetë të ndaluarit, avokatët e tyre si dhe deputetë të PD-së jashtë gjykatës kundërshtuan arrestimin e protestuesve, duke e quajtur të padrejtë.

Ndaj të prangosurve rëndojnë 4 akuza; kundërshtim i punonjësve të policisë, goditje për shkak të detyrës, shkatërrim prone dhe prishje e rendit dhe qetësisë publike. Arrestimi i tyre u bë në bazë të  pamjeve filmike të policisë  si dhe ato të vendosura në Kryeministri, të cilat kanq fiksuar të gjithë veprimet e protestuesve. Por ndërkohe Prokuroria do të verifikojë edhe veprimet e Gardës së Republikës dhe Policisë së Shtetit, për planin e masave që janë marrë para dhe gjatë protestës si dhe a është zbatuar ai plan dhe a ka patur tejkalim të kompetencave të policisë. Gjithashtu pritet edhe përfundimi i ekspertizave të policisë shkencore për lëndet e përdorura në protestë si nga ana e protestuesve dhe nga ana e Policisë dhe Gardës./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono