Protestat, qeveria franceze: Diçka nuk funksionoi tek masat e sigurisë

11:50 | 18/03/201911:500

Presidenti francez Makron premtoi se ajo që ndodhi  të shtunën nuk do të përsëritet më. Gjatë protestës së jelekëve të verdhë u plaçkitën dhe u shkatërruan rreth 80 dyqane, ndërsa iu vu zjarri dhe një pallati në Paris.

Qeveria franceze pranoi se disa gjëra kanë funksionuar jo si duhet në shërbimet e sigurisë, të shtunën e kaluar në Paris, ku disa dyqane në Champs Élysées u plaçkitën dhe u shkatërruan gjatë manifestimit të jelekëve të verdhë. Sipas deklaratës për media të qeverisë analizimi i ngjarjeve të së shtunës tregon se masat e sigurisë kanë qenë të mjaftueshme për të përmbajtur dhunën e shpërthyer si dhe për të shmangur aktet kriminale. Presidenti francez Makron pas mbledhjes urgjente me njësinë e krizës ku ishte i pranishëm dhe Kryeministri, ministri i Brendshëm dhe ai i drejtësisë, u shpreh se ka persona të cilët përpiqen të shkatërrojnë republikën me të gjitha mjetet, duke shkatërruar madje duke rrezikuar dhe të vrasin njerëz.

Ajo e së dielës ishte një ditë indinjimi për francezët të cilët u zgjuan me shëtitoren më të bukur në botë, të shkatërruar. Janë më shumë se 80 dyqanet e shkatërruara, 20 ato të plaçkitura dhe të djegura. Policia franceze ka arrestuar 192 persona mes të cilëve 15 janë minoren.

Kryebashkiakja e Parisit An Hidalgo u shpreh shumë e zemëruar për dhunën e paprecedentë dhe i kërkoi shpjegime qeverisë. Ajo theksoi se autoritetet duhet të jenë në gjendje të menaxhojnë një situatë si ajo e së shtunës. Banorë dhe sipërmarrës kanë kërkuar takim me Kryeministrin Filip për të kërkuar një ndihmë për dëmet e pësuara./abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono