Protesta të dhunshme në Katalonjë, policia arreston 75 persona

14:13 | 16/10/201914:130

Janë 75 të arrestuarit në protestat në Katalonjë kundër dënimit të nëntë liderëve pro pavarësisë nga Spanja. Mediat në vend flasin për skena të një lufte civile gjatë përleshjeve mes protestuesve dhe forcave speciale spanjolle.

Policia spanjolle deklaroi se ka arrestuar 51 persona në të gjithë Katalonjën gjatë protestave të dhunshme kundër dënimit të nëntë liderëve katalanas pro pavarësisë me 9 deri në 13 vjet burg, për rolin e tyre në përpjekjen për ndarjen nga Spanja në vitin 2017.

Grupet në mbështetje të pavarësisë organizuan manifestime para zyrave të qeverisë spanjolle në disa qytete katalanase, me rreth 40 mijë persona në shesh në Barcelonë, ku u regjistruan dhe përplasje të dhunshme mes protestuesve dhe forcave speciale spanjolle.

Qendra e qytetit u bë skenë e një lufte civile, ku me qindra persona të maskuar – sipas policisë – hodhën objekte dhe gurë kundër agjentëve të policisë; si dhe i vunë zjarrin kazanëve të mbeturinave dhe kutive të kartonit.

Shërbimet e emergjencës shëndetësore katalanase mjekuan 74 persona të plagosur gjatë protestave duke theksuar se asnjeri prej tyre nuk ishte në gjendje të rëndë./ABC News Albania

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono