Protesta, studentja Bora Mema në ABC News: Nuk do ndalemi

16:37 | 07/12/2018

Bora Mema, studente e universitetit të Tiranës ka folur në studion e ABC News për protestën dhe kërkesat që i parashtrojnë qeverisë, pas heqjes së tarifës për provimet e mbartura.

“Ne jemi të ndërgjegjshëm që ajo nuk mjafton, ishte pika më e lehtë, por e rëndësishme është ulja e tarifave të studimit, se janë të papërballueshme, rritje buxheti për arsimin, se universitetet janë në gjendje të mjerueshme, pikat e tjera lidhen me problematikat e ndryshme të fakulteteve”.

Ajo ka shprehur vendosmërinë e studentëve për vijimin e protestës deri në plotësimin e të gjitha kërkesave.

“Do vazhdojmë protestën, deri në plotësim të kërkesave. Nuk do ndalemi”.

Sipas saj deklarata e Kryeministrit për dialog është kontradiktore, tregon që nuk është i hapur për diskutime.

“Gjatë këtyre viteve ne i kemi kërkuar ministrisë të ulemi të diskutojmë. Qeveria gjithnjë ka bërë veshin shurdh dhe nuk i ka marrë në konsideratë mendimet tona. Kryeministri nuk është i hapur për diskutime, gjuha që ai ka përdorur ka qenë: janë në minorancë, ngelësa. Është kontradiktor në ato që thotë”.

Mema theksoi se deri tarifat për arsimin e lartë janë rritur viti pas viti, por qeveria Rama i rriti me 30%. /abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono