Protesta e studentëve, Shahini: Në rrugë nuk mundësohet diskutimi

21:32 | 06/12/2018

Ministria e Arsimit është e gatshme për dialog me studentët që po protestojnë për përgjysmimin e tarifave. Zv/ministrja e Arsimit, Besa Shahini, ishte e ftuar në “Mbrëmje Ide” nga Mirela Milori, ku tha se institucioni që drejton Lindita Nikolla është e gatshme të takohet kudo me studentët për të diskutuar për kushtet që kanë.

“Jemi të gatshëm të diskutojmë për pikat e tjera siç kanë kërkuar studentët. Jemi të brengosur që nuk janë në mësim, por në rrugë, por është e drejta e tyre që të protestojnë”, u shpreh Shahini.

Ajo u pyet nëse Ministria e Arsimit ka ndonjë mënyrë alternative për t’u takuar me protestuesit. Për Shahinin mënyra e vetme është diskutimi, i cili nuk mund të realizohet në rrugë siç e kanë kërkuar studentët.

“Kemi të vetmin plan. Ne po i presim në momentin e parë që janë gati të vijojnë me diskutimin. Deri më tani komunikimin e kemi pasur me anë të letrave që ata kanë protokolluar në ministri. Ne do jemi në ministri si dje dhe sot dhe i presim që të fillojmë diskutimet”.

“Absolutisht nuk është vetëm ideja që të vijnë në ministri. Ne mund të shkojmë në universitete. Ideja që të vijmë në rrugë siç e kanë kërkuar e pamundëson diskutimin”, u shpreh më tej zv/ministrja./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono