Protesta dhe mbi 400 të arrestuar në mbështetje të gazetarit

23:45 | 12/06/2019

Në Rusi kanë vijuar të mërkurën protestat në mbështetje të gazetarit që u arrestua për trafik droge. Policia në Moskë ka arrestuar rreth 400 manifestues, të cilët kërkonin ndëshkimin e agjentëve që kryen arrestimin e Ivan Golunov.

Disa qindra persona janë arrestuar në Moskë, gjatë protestave për ndëshkimin e policëve që arrestuan një gazetar investigativ. Agjentë të policisë u përplasën me protestuesit gjatë marshimit të paautorizuar në mbështetje të Ivan Golunov. Mes personave të arrestuar janë disa gazetarë, si dhe lideri i opozitës Aleksei Navalni.

Gazetari Golunov u lirua ditën e martë pasi akuzat ndaj tij për trafik droge u tërhoqën nga autoritetet pas indinjatës së publikut. Ministri i Brendshëm rus deklaroi se oficerët që kishin marrë pjesë në arrestimin e tij do të pezullohen në kuadër të një hetimi. Stafet e tre gazetave të mëdha ruse kishin dalë më herët në mbështetje të Golunov, një lëvizje e rrallë kjo në shtypin rus.

Sa u takon protestave të së mërkurës, autoritetet deklaruan se mbi 200 persona u arrestuan vetëm në Moskë, ndërkohë që grupet e monitorimit thanë se të arrestuarit ishin mbi 400.

Manifestuesit mbanin parulla dhe kishin veshur bluza me shkrimin “Unë jam Ivan Golunov” dhe akuzuan policinë për sjellje kriminale me arrestimin e reporterit. Mes gazetarëve të arrestuar nga policia është edhe një anëtar i stafit të revistës gjermane “Der Shpigel”./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono