Prokuroria: Kajmaku ka fshehur deklarimet

20:27 | 28/10/201920:270

Prokuroria e Përgjithshme ka dërguar në KQZ vendimin për miratimin e rezultateve të verifikimit për Agim Kajmakun.

Sipas të dhënave të administruara nga prokuroria rezulton se, kryebashkiaku i Vorës Agim Kajmaku ka deklaruar të dhëna të tjera në formularin e vetdeklarimit dhe për më tepër është munduar ti fshehë ato.

Sipas prokurorit Arben Kraja, Kajmaku vërtetë është shpallur i pafajshëm nga Gjykata e Apelit të Krimeve të Rënda në Janinë por pika 3, germa ç, kreu i III-të, vendimi nr. 17/2016 i Kuvendit të Shqipërisë përcakton në mënyrë të qartë dhe të detajuar që:

-Subjektet kanë detyrimin ligjor të deklarojnë çdo informacion në lidhje me gjeneralitetet e tyre aktuale dhe të mëparshme, rekordet kriminale brenda dhe jashtë territorit të republikës së Shqipërisë (vendime përfundimtare ose jo, hetime penale jashtë territorit të republikës, masa sigurimi personale, vendime dëbimi,  ndalime, arrestime, hetime etj), gjë për të cilën Kajmaku nuk ka paraqitur situatën reale madje e ka fshehur.

Tashmë KQZ do të vendosë në lidhje me mandatin e kryebashkiakut të Vorës, Agim Kajmakut./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono