Prokuroria e Kavajës urdhër-arreste për 11 zyrtarë e ish-zyrtarë

16:32 | 14/11/201716:320

8 persona janë arrestuar në Kavajë dhe 3 të tjerë janë ende në kërkim, të akuzuar për tjetërsim pronash. Mes këtyre të fundit është edhe nën prefekti aktual i Tiranës, Fatos Kaja.
Prokuroria e Kavajës ka urdheruar arrestimin e 11 zyrtarëve dhe ish-zyrtarëve lokalë në Kavajë, të dyshuar se kanë tjetërsuar 36 hektarë pronë publike në bregdet, në zonën e Spillesë. Ish-kryeregjistruesi i Hipotekës së Kavajës Seid Cikalleshi, i shpallur në kërkim, në bashkëpunim me disa zyrtarë të komunës Kryevidh, kanë ndryshuar zërin kadastral nga “ranishte” në “tokë arë”. Në bazë të ligjit “Për tokën”,- sqaron prokuroria-, toka ranishte nuk ishte pjesë e fondit të ndarjes së tokave. Më pas, këtë tokë ua kanë shpërndarë familjeve të ndryshme, të cilat kanë pasur qëllim tjetërsimin e menjëhershëm të saj, nëpërmjet shitjes.
Hetimi ka nisur në korrik të 2017-s, duke e vendosur nën sekuestro sipërfaqen e ranishtes, për të penguar përkeqësimin e situatës në terren.

Të akuzuarit e Prokurorisë Kavajë:

1. Seid Cikalleshi, ish-kryeregjistrues i Hipotekës Kavajë
2. Dritan Kazazi, hartograf, ZVRPP, Kavajë
3. Andi Gjeci, jurist, ZVRPP, Kavajë
4. Fatos Kaja, ish-zyrtar i komunës Kryevidh, Kavajë (aktualisht, nënprefekt i qarkut Tiranë)
5. Ilir Kaja, zyrtar i Njësisë Administrative Kryevidh, Kavajë
6. Nezir Lecini, ish-shef i Zyrës së Kadastrës, Kavajë
7. Agron Xhelezi, ish-kryetar i Komisionit të Ndarjes së Tokave, Kavajë
8. Enver Duqi, ish-Drejtor i Administrimit dhe Mbrojtjes së Tokës, Kavajë
9. Altin Çoba, drejtor i ALUIZNI-t, Kavajë
10. Behgjet Pjeci, ish-kryetar i komunës Kryevidh, Kavajë
11. Dashnor Çullaj, ish-zyrtar i komunës Kryevidh, Kavajë/abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono