Probleme me rrjetet sociale, përdoruesit në panik

17:30 | 03/07/201917:300

Rrjetet sociale Facebook, Instagram, Twitter dhe WhatsApp kanë shfaqur sot probleme teknike dhe mijëra përdorues nuk mund të kenë akses si normalisht.

Mos funksionimi i tyre ka ndodhur që prej orës 15:00 të mesditës së sotme, duke vështirësuar komunikimin mes përdoruesve.

Fillimisht ishin dy aplikacionet më të përdorura, Facebook dhe What’sApp që hasën probleme duke mos u mundësuar përdoruesve aksesin në këto rrjete sociale apo dhe shkëmbimin e mesazheve përmes tyre, kryesisht postimet me fotografi.

Në What’sApp për momentin është e pamundur të dërgosh apo të marrësh foto, video dhe mesazhe me zë.

I njëjti problem ekziston edhe me messenger-in e “Facebook”.

Së fundi, edhe Instagrami ka ndaluar së punuari, me fotografitë që është e pamundur të ngarkohen.

Ndërkaq, sipas mediave ndërkombëtare, më së shumti janë prekur shtetet e Evropës, Britania dhe SHBA-ja.

Por, probleme ka edhe në Australi, Brazil, Kolumbi, Japoni, Meksikë, Filipine, Rusi, Singapor, Afrikë të Jugut e Uruguai./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono