Privatizimi i OSSH dhe dëmi 419 mln euro, Balla-Berisha replika pas seancës 

14:34 | 11/02/2019

Kreu i grupit parlamentar të Partisë Socialiste Taulant Balla, i bëri thirrje Prokurorisë së Tiranës të mos e pushojë hetimin për privatizimin e OSSH. Apeli i deputetit u bë në përfundim të përballjes së radhës me Shkëlzen Berishën në Gjykatën e Tiranës.

Nga oborri i Gjykatës së Tiranës, kryetari i grupit të PS-së, Taulant Balla i bëri thirrje prokurorisë së kryeqytetit të mos pushojë hetimin e nisur për Sali Berishën, djalin e tij, Shkëlzen Berisha dhe Ndue Kalajn për privatizimin e OSSH.

Deklarata e deputetit Balla u bë në përfundim të seancës së radhës të procesit gjyqësor ku ai është paditur për “shpifje” nga Shkëlzen Berisha. Në sallën e gjyqit, Balla tha se i qëndronte deklarimeve të bëra në emër të Shkëlzen Berishës gjatë punimeve të Komisionit hetimor Parlamentar për ccështjen CEZ.

Në padinë me palë kundështare deputetin Balla dhe djalin e ish-kryeministrit Berisha, paditësi Berisha pretendon se kreu i grupit të PS ka shpifur për të nga foltorja e drejtuesit të Komisionit Hetimor Parlamentar të çështjes CEZ teksa ka thënë se ai kishte shmangur pagimin e taksave./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono