Prindërit refuzojnë të vaksinojnë fëmijët

17:01 | 14/01/2019

Janë prindërit ata që po refuzojnë bërjen e vaksinave për fëmijët e tyre. Mjekët bëjnë thirrje për ndërgjegjësim, pasi sipas tyre, kjo është mundësia më e mirë për t’i mbrojtur të vegjlit nga viruset e ndryshme.

Në Lushnje, jo të gjitha nënat i përgjigjen pozitivisht bërjes së vaksinës. Sidomos në këtë periudhë, vogëlushët janë të prekurit e parë që sëmuren nga i ftohti. Ndaj mjekët thonë se vaksina do të ishte mbrojtësja më e mirë nga ekspozimi i sëmundjeve.

“Jo, jo. Më këshilluan që t’ia bëj, por nuk ia kam bërë deri tani”, tha një nënë.

Ndonëse në Lushnje nuk ka raste të shfaqjes së sëmundjes së fruthit, mjekët apelojnë për marrjen e informacionit rreth saj. Mungesa e vaksinimit sjell pasoja të rënda për jetën. Për këtë arsye po vaksinohen edhe të rriturit.

“Përderisa është në kalendar vaksinimi dhe rezultati i saj është shumë i efektshëm, fakti që janë rikthyer nënat po ribëjnë vaksinimin tregon për rëndësinë e kësaj vaksine”, tha Hatixhe Spahiu.

Janari i këtij viti, ka sjellë shtim të numrit të vizitave pediatrike në spitalin e Lushnjes. Mbi 80 vizita kryhen brenda një dite ndërsa mbi 10 fëmijë arrijnë të shtrohen. Ftohja dhe gripi kanë prekur fëmijët e të gjitha moshave. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono