Dështon pretenca për dosjen “Shullazi”, shtyhet sërish

09:35 | 25/09/2018

Dështon për të gjashtën herë radhazi seanca gjyqësore ku pritej të lexohej pretenca për Emiliano Shullazin dhe të bashkëpandehurit. Ndonëse katër prokurorë kishin gati konkluzionet gjyqi u shty për mungesën e një prej avokatëe. Gjatë seancës godina e gjykatës u rrethua nga një prani e pazakonte forcash policore.

Mëngjesin e së martës, para nisjes së seancës ku pritej të lexohej pretenca për Emiliano Shullazin dhe të bashkëpandehurit, Gjykata për Krimet e Rënda ishte blinduar si kurrë më parë.

Efektivë të Komisariatit nr.3, të Patrullës së Përgjithshme, Forca të Ndërhyrjes së Shpejtë të armatour rëndë e deri tek snajperët ishin pozicionuar në perimetrin rrotull godinës.

Të pyetur nga ABC News, zyrtarë të lartë të bluve mohuan pasjen e ndonjë paraprak për ndonjë situatë të rrezikshme, por prania e kreut të Policisë së Shtetit dhe atij të kryeqytetit në zonë bënte që masat te ngjanin më ato që merren para ndeshjeve mes ekipeve kombëtare.

Në orën 09:00 Prokuroria për Krimet e Rënda zbarkoi në sallën e gjyqit me një formacion prej 4 prokurorësh, të përbërë nga titullarja Donika Prela, Gentian Osmani, Anton Martini dhe Besnik Muçi.

Ata u ulën përballë 4 avokatëve, pasi të pandehurit kishin zgjedhur të mos vinin në gjyq.

Por edhe blindimi i bankës së prokurorisë nuk dha rezultat në çështjen që ka trazuar ujërat e Prokurorisë për Krimet e Rënda në dy javët e fundit.

Pretenca mbeti e palexuar, edhe pse ishte përgatitur.

Gjykata vendosi të ndërpresë seancën për shkak të mungesës së avokatit të të pandehurit Blerim Shullazi, Aldo Tabaku për arsye familjare. Vetë i pandehuri kishte pretenduar probleme shëndetësore, por burgu ku vuan paraburgimin i bënte me dije gjykatës se ai kishte refuzuar të vizitohej nga mjekët.

Por mosprania edhe e avokatit në gjyq e linte të papërfaqëuar të pandehurin. Në këto kushte kërkesa për shtyrje u artikulua edhe nga prokuroria.

Gjykata caktoi dy mbrojtës të tjerë kryesisht për dosjen dhe shtyu seancën për në 2 Tetor, duke shtyrë kështu për të gjashtën herë radhazi procesin në fazën e leximit të pretencës./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono