Presioni për taksën, mediat kosovare publikojnë letrat zyrtare të Serbisë

22:33 | 08/12/201822:330

Mediat kosovare kanë publikuar tre letra zyrtare të qeverisë serbe me të cilat ushtrohet presiona ndaj CEFTA, për të ndikuar në Prishtinë. Kjo për heqjen e taksës prej 100 për qind të vendosur ndaj produkteve serbe që hyjnë në Kosovë.

Serbia vazhdon reagimet e saj për taksën prej 100 për qind që qeveria e Kosovës ka vendosur ndaj produkteve serbe që hyjnë në vend. Për këtë arsye, qeveria serbe nuk po i ndalon presionet ndaj institucioneve të shumta ndërkombëtare, sidomos ndaj CEFTA-s. Kryeministrja serbe Brnabiç, bashkë me ministrat e saj i kanë shkruar disa letra CEFTA-s dhe institucioneve tjera evropiane duke kërkuar ushtrimin e presionit ndaj Kosovës për të hequr këtë taksë.

Media kosovare, Indeksonline, ka siguruar disa nga këto letra konfidenciale të cilët kanë të njëjtën kërkesë, eliminimin e taksës 100%. Një nga letrat e dërguara është për drejtorin e sekretariatit të CETFA-s në Bruksel, të cilit i kërkohet që të konsultohet me organet e UNMIK-ut në Prishtinë për rritjen e tarifave të importit të Kosovës.

“Duke parë përshkallëzimin e krizës ekonomike dhe humanitare, qeveria e Serbisë kërkon nga sekretariati i CEFTA-s që të marrë masa sa më shpejt të jetë e mundur”, thuhet ndër të tjera në letrën e Ana Brnabic, dërguar CEFTA-s.

Letër të tillë ka dërguar dhe ministri i Tregtisë,Turizmit e Telekominikacionit serb, Rasim Llajic. Po ashtu, Serbia zyrtarisht i ka dërguar CEFTA-s një ankesë me tri pika.

  1. Masat e ndërmarra nga institucionet vetëqeverisëse të Prishtinës shkelin marrëveshjen e CEFTA-s.
  2. Republika e Serbisë i bën thirrje Prishtinës të tërheqë këto masa menjëherë.
  3. Serbia do të bëjë kërkesë për kompensimin e dëmeve të shkaktuara nga kjo taksë.

Letra me të njëjtat kërkesa i janë dërguar edhe përfaqësuesit të OKB-së në këtë institucion, Zahir Tanin./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono