Presidenti serb Vuçiç i kërkon sqarime BE-së për helmimin e numëruesve në Kosovë

23:33 | 18/10/201923:330

Presidenti serb Aleksandar Vuçiç i është drejtuar me një letër zëdhënëses së Bashkimit Evropian, Maja Kocijançiç, të cilës i ka kërkuar sqarime lidhur me rastin e helmimit të zyrtarëve të Kosovës nga kutitë me vota të ardhura nga Serbia.

Mediat serbe raportuan se Vuçiç i ka kërkuar zëdhënëses së BE-së që të tregojë publikisht nëse serbët i kanë helmuar shqiptarët me antraks, navichok, apo ndonjë helm tjetër të rëndë dhe nëse kjo nuk është e vërtetë, atëherë të tregojë se cilët kanë qenë mashtruesit që kanë sajuar një gënjeshtër të tillë, siç shprehet ai.

Reagimi i tij erdhi pasi 26 zyrtarë të Kosovës që merreshin me numërimin e zarfave me vota të ardhura nga Serbia u helmuan pasi u hapën 5 kuti me vota të ardhura prej atje.

Autoritetet në Kosovë vazhdojnë hetimet lidhur me helmimin, por ende nuk ka konfirmim zyrtar për çfarë e shkaktoi helmimin./abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono