Presidenti Meta takohet me Forumin e Prodhuesve Shqiptarë

16:45 | 12/03/2018

Në takimin që zhvilloi me forumin e prodhuesve shqiptarë, Presidenti i Republikës, Ilir Meta, apeloi për më shumë mekanizma financiarë, fiskalë dhe promovues për prodhimin vendas dhe për rritjen e konkurrueshmërisë së produkteve dhe markave shqiptare.

Janë prodhuesë shqiptarë jo vetëm nga vendi ynë, por edhe nga Kosova e Maqedonia. Presidenti i Republikës i mbështeti në iniciativën e krijimit të Forumit të përbashkët si një domosdoshmëri e stadit aktual të zhvillimit ekonomik, sidomos në kuadër të axhendës sonë të përbashkët të anëtarësimit të rajonit të Ballkanit Perëndimor në BE.

Ilir Meta: “Në mënyrë që ne në të vërtetë të arrijmë në një ndërgjegjësim dhe të reduktojmë të gjithë këto barrierat tarifore dhe që e pengojnë këtë integrim dhe mbështetje të produkteve shqiptarë pavarësisht nga kufijtë”.

Presidenti i Republikës në takimin që zhvilloi me Forumin e Prodhuesve Shqiptarë apeloi për më shumë mekanizma financiarë, fiskalë dhe promovues për prodhimin vendas dhe për rritjen e konkurrueshmërisë së produkteve dhe “brandeve” shqiptare, përfshirë certifikimin e tyre me destinacion eksportin në tregjet e qëndrueshme ndërkombëtare.

Ilir Meta: “T’i japim një prioritet dhe trajtim superior biznesit që merret me prodhim dhe eksport”.

Sipas kreut të shtetit, kjo është një mënyrë që të fuqizohet “Hapësira Ekonomike Mbarëkombëtare”, e cila do t’i paraprinte dhe ndihmonte krijimit të “Zonës Ekonomike Rajonale”, që duhet të funksionojë si një “paradhomë” e anëtarësimit në BE dhe integrimit të plotë ekonomik në Tregun e Përbashkët Europian./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono