Presidenca bullgare: Fuqitë jo europiane po tregojnë interes për Ballkanin

13:09 | 09/01/2018

Fuqitë jo europiane po tregojnë interes të veçantë për vendet e Ballkanit perëndimor, vendet e të cilës aktualisht po hasin vështirësi në procesin e integrimit në Bashkimin Europian. Është ky alarmi i dhënë nga presidenca bullgare e Bashkimit Europian. Në një konferencë për shtyp ambasadori bullgar në BE, Dimitër Tzantcev, u shpreh se një nga prioritetet e Bullgarisë gjatë presidencës gjashtë mujore është ringjallja e perspektivës së gjashtë vendeve të Ballkanit Perëndimor për anëtarësimin në BE. Ai shtoi se presidenca bullgare e BE sheh një rrezik të mundshëm faktin se këto vende mund të përqendrohen diku tjetër në një kohë që blloku ngurron të ecë përpara me pranimin e tyre. Tzantcev theksoi se Ballkani Perëndimor është pjesë e Evropës. dhe se shpresat për një të ardhme evropiane në këtë pjesë të kontinentit për fat të keq u tërhoqën vitet e fundit.

Ai nuk ka përmendur fuqitë jo evropiane, por raporte të shumta përmendin orekset ruse në Serbi, Malin e Zi dhe Maqedoni, interesat kineze në Maqedoni dhe Serbi, si dhe interesat turke në Shqipëri, Maqedoni, Kosovë dhe Bosnjë e Hercegovinë.

I pyetur për një datë të saktë për pranimin e Ballkanit Perëndimor, Tzantçev tha se kjo do të varet nga shtetet anëtare të BE dhe nga progresi i bërë nga gjashtë vendet: Shqipëria, Bosnja, Kosova, Maqedonia, Mali i Zi dhe Serbia.

I pyetur nga EURACTIV për Maqedoninë Tzantçev tha se nën qeverinë e re të Social Demokratit Zoran Zaev kishte një “vullnet të ri” për të zhbllokuar çështjet bilaterale që kanë qenë pengesë nga fillimi i bisedimeve të pranimit.

Komisioni europian duhet të publikojë strategjinë e tij të “zgjerimit” të Ballkanit Perëndimor në shkurt, i cili pritet të përmbajë disa data të sakta për procesin e zgjerimit./abcnews.al

 


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono