Portlendi mund Denverin, Filadelfia fiton ndaj Torontos

12:42 | 10/05/201912:420

Barazohen rezultatet në gjysmëfinalet e konferencave në basketbollin amerikan. Portlendi dhe Filadelfia fituan dhe nuk lejuan eleminimin.

Do të luhet deri në fund.

Kjo u mor vesh pas gjysmëfinaleve të konferencave në basketbollin amerikan.

Portlendi kaloi Denverin, dhe Filadelfia mundi Toronton, në dy ndeshje me përfundim të njëjtë, 11 pikë diferencë për fituesit.

Në Arenën e Portlendit, Damien Lilard dhe Si Xhej Mekkallëm shënuan së bashku 62 pikë, me vendasit që e mbyllën sfidën 119-108.

Lilard ishte realizuesi më i mirë me 32 pikë, Mekkallëm pati 30, ndërsa Rodni Hud shtoi 25.

Denveri u udhëhoq, si gjithmonë, nga serbi Nikola Jokiç, që shënoi 29 pikë, kapi 12 topa në tabela e shërbeu 8 asistë, duke iu afruar një tripëll dabëlli.

Jokiç ishte mjaft i saktë në gjuajtje, ndërsa pati në krah të zakonshmin Xhamal Marrej me 25 pikë e 10 topa në tabela.

Gjithsesi, Portlendi e deshi më shumë fitoren dhe barazoi rezultatin 3-3, me ndeshjen përcaktuese do të luhet në Denver, mëngjesin e 13 majit.

Filadelfia, po ashtu, nuk lejoi eleminimin, duke barazuar 3-3 gjysmëfinalen e Konferencës Lindore ndaj Torontos.

Fitorja ishte 112-101, dhe shënuesi më i mirë për vendasit doli Xhimi Batler me 25 pikë.

Xhoel Embijd nuk shënoi aq shumë, 17 pikë, por kapi 12 topa në tabela dhe luajti shumë mirë në sulm e në mbrojtje, duke u shpallur lojtari më i mirë i ndeshjes.

Leonard udhëhoqi Toronton me 29 pikë e 12 topa në tabela, por kanadezët nuk mundën të rivalizonin me vendasit për asnjë moment.

Ndeshja vendimtare luhet në 13 Maj në Toronto./ABC News Albani 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono