Portlendi eleminoi Oklahomen në NBA

17:30 | 24/04/2019

Damien Lilard ishte lojtari më i dalluar i ndeshjeve të fundit në basketbollin amerikan. Shënoi 50 pikë ndaj Oklahomës duke siguruar kualifikimin në plej of

U sakrifikua jashtë mase, por vendosi fitoren.

Damien Lilard gjithnjë ka qenë një yll i madh i NBA-së, por asnjëherë si mbrëmjen e fundit, kur kualifikoi Portlendin për në raundin e dytë të plej ofit, dhe eleminoi Oklahomën.

U la në fushë për 45 minuta e 16 sekonda, nga 48 minuta lojë gjithsej, diçka që ndodh tepër rrallë në basketboll dhe që do të thotë raskapitje, por nuk deshi t’ia dinte, pasi ishte ndeshja e tij.

Jo më kot shënoi 50 pikë, kapi 7 topa në tabela, dhuroi 6 pasime për kosh, vodhi 3 topa e bllokoi një gjuajtje.

Realizoi po ashtu 10 gjuajtje për tri pikë, një rekord i klubit në plej of.

Portlendi fitoi 118-115 në Arenën e tij, dhe kaloi turin me rezultat të përgjithshëm 4-1 me ndeshje, e tani pret fituesin e çiftit Denver-San Antonio.

Lilard nuk është se nuk bëri gabime, ai nuk qe i saktë në gati gjysmën e gjuajtjeve, por kontributi ishte gjithsesi shumë I madh.

Përballë dy yjeve tepër të mëdhenj si Rasëll Uestbruk e Pol Xhorxh, ia doli të bënte të vetën, pavarësisht nga mbrojtja e fortë e Oklahomës.

Uestbruk pati një tripëll dabëll, me 29 pikë, 11 topa në tabela e 11 pasime për kosh, ndërsa Xhorxh realizoi plot 36 pikë, por ata nuk mundën të arrinin nivelin e Lilardit.

Po ashtu, nuk patën mbështetje nga lojtarët e tjerë, ndryshe nga vendasit, ku u dalluan edhe Harkles, Kanter, Mekkallëm apo Seth Kërri.

Drama arriti kulmin dhe u vendos në sekondat e fundit, kur Lilard shënoi koshin fitues nga më shumë se 11 metra larg./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono