Policia “lan”duart për vrasjen e dyfishtë tek “Don Bosko”: Nuk ka shkelje


13:30 | 13/06/2018

Pas hetimeve, Shërbimi për Çështjet e Brendshme dhe Ankesat thotë se nuk ka asnjë përgjegjësi penale të policëve për ngjarjen në “Don Bosko”, ku një 31-vjeçar vrau një 19-vjeçare dhe më pas veten. Në njoftimin zyrtar, ministria e Brendshme nuk e përmend denoncimin e kryer me 21 Maj nga Xhafer Mata, që padiste Xhuljeta Çunin, se i kishte marrë një vlerë monetare në Paund.

Policia përjashton çdo përgjegjësi nga vetja lidhur me ngjarjen e rëndë që tronditi mëngjesin e 8 Qershorit zonën e “Don Boskon”, ku i riu Xhafer Mata vrau me armë zjarri Xhuljeta Çunin dhe me pas i dha fund edhe jetës së tij.

Për këtë ngjarje të rëndë nisi verifikimet edhe Shërbimi për Çështjet e Brendshme dhe Ankesave në varësi Ministrisë së Brendshme. Fillimisht u sekuestruan e gjithë praktika e ndjekur në Komisariatin nr. 3., ku edhe kishte bërë kallzim e ndjera Xhuljeta Çuni.

Për këtë rast, thuhet në njoftimin e publikuar nga zyra për shtyp e Ministrisë së Brendshme, se:

“SHÇBA kreu verifikimet e plota për të kqyrur veprimet policore, duke nisur me intervistimet e punonjësve, kryqrje libra shërbimi, dokumentacioni, kamera etj. Nga gjithë verifikimet e kryera ka rezultuar se Policia ka marrë kallëzim në datën 7 Maj 2018 nga shtetasja Xhuljeta Çuni  për përndjekje. Materialet janë referuar në Prokurorinë e Rrethit Gjyqësor Tiranë dhe pas kallëzimit, Prokuroria nuk i ka deleguar veprime të tjera shtesë Policisë, duke vijuar vetë me veprimet hetimore”.

Në reagimin e saj, Ministria e Brendshme, nuk ka përmendur kallëzimin e Xhafer Matës që kishte bërë kundër ish të dashurës së tij Xhuljeta Çuni.

Babai i Xhafarit, Taip Mata, akuzoi të martën gjatë një intervistë për ABC News, se oficeri i policisë së Kimisariatit nr.3., në Tiranë kishte shkruar në denoncim të tjera gjëra nga ato që deponoi 31-vjeçari i ndjerë. Rastet e lëshimit të urdhërave të mbrojtjes dhe të përndjekjes janë rritur nga viti në vit sipas të dhënave që jep Policia e Shtetit. Kështu nga Janari i 2018-s deri në fillimit të muajit Qershor, kanë përfituar urdhër të menjëhershëm mbrojtjeje nga gjykata afërsisht 650 gra.

Ky nurmër është edhe më i madh krahuasuar me vetëm me urdhërat e mbrojtjes, të cilët shkojnë afërsisht në 1400 në total, pas referimit më parë në polici. Nga denoncimet e deri te nisja e hetimeve nga ana e prokurorisë rezultojnë 520 raste nga të cilët Gjykata e Shkallës së Parë në kryeqytet është shprehur me vendim vetëm për 300 prej tyre me “arrest në burg”. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono