Policia e Tiranës kap Marko Bushin, në kërkim për drogë


09:25 | 07/12/2017

Policia e Tiranës ka ndaluar një person të shpallur në kërkim, i dyshuar si organizator i një grupi të strukturuar kriminal në fushën e kultivimit dhe trafikimit të lëndëve narkotike.
Marko Bushi, 41 vjeç, banues në Urakë, Burrel, u ndalua në një lokal në rrugën “Jordan Misja” Tiranë nga efektivët e Sektorit Kundër Narkotikëve e të Drejtorisë së Forcës së Posaçme Operacionale

Bushi ishte në kërkim pasi në tetor të 2016, policia e Matit kishte identifikuar dy parcela me kanabis në Lis të Matit. Sipas policisë 41 vjecari Mati kishte kërcënuar Prokurorin dhe forcat e Policisë lokale.
Ndaj Bushit, Gjykata e Krimeve të Rënda kishte caktuar në mars të 2017 masën e sigurisë “Arrest me Burg”, për veprat penale “Prodhimi dhe shitja e narkotikëve”, “Kultivimi i narkotikëve”, “Grupi i strukturuar kriminal”, dhe “Kryerja e veprave penale nga organizata kriminale dhe grupi i strukturuar kriminal”. Në bazë të këtij vendimi, ai ishte në kërkim, i dyshuar si organizator i grupit kriminal./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono