Policia e Tiranës: Gjoba edhe këmbësorëve për shkelje rregullash qarkullimi

12:23 | 16/11/201712:230

Policia Rrugore e Tiranës ka hartuar një plan të ri masash për të parandaluar aksidentet rrugore. Kështu Policia Rrugore do të  aplikojë edhe masat administrative për qytetarët që nuk zbatojnë rregullat e Qarkullimit Rrugor.

Sipas njoftimit të Policisë ky plan masash vjen pas konstatimit të aksidenteve të fundit, ku rezulton se ka një shtim të shkeljes së rregullave të qarkullimit nga këmbësorët.

Gjatë 24 orëve të fundit nga Policia Rrugore e Tiranës janë arrestuar 5 drejtues mjetesh, janë pezulluar 32 leje drejtimi, si edhe janë vendour  61 masa administrative për mospërdorim të rripit të sigurimit.

Policia Rrugore e Tiranës, me qëllim rritjen e parametrave të sigurisë, kërkon edhe bashkëpunimin e qytetarëve që të denoncojnë çdo shkelje të rregullave të Qarkullimit Rrugor që ata hasin gjatë përditshmërisë.

 

Ja plani i ri i masave të Policisë

Planimetria e vendosjes së shërbimeve,

Mënyra e kombinimit të radarëve në akset rrugore të brendshme por edhe në akset nacionale që lidhen me Tiranën me qëllim evidentimin dhe ndëshkimin e drejtuesve të mjeteve që qarkullojnë me shpejtësi tej normave të lejuara,

Koordinimi i shërbimeve me Patrullat e Përgjithshme dhe Shqiponjat duke evidentuar dhe ndëshkuar  në kohë,  në çdo aks rrugor  shkelësit e Kodit Rrugor ,

Kontrolli në mënyrë të pandërprerë me aparatin “Drager” për parandalimin e përdorimit të  alkoolit gjatë drejtimit të mjetit.

Vendosje e shërbimeve të Policisë Rrugore apo të Patrullave të Përgjithshme, në vendkalimet për qytetarët në pikat ku ka më shumë lëvizje të qytetarëve, por pa lënë jashtë vëmendjes edhe pikat e tjera,  me qëllim monitorimin, këshillimin dhe orientimin e qytetarëve për të respektuar rregullat e Qarkullimit Rrugor.

Pas një periudhe të caktuar  sensibilizuese e ndërgjegjësuese, Policia Rrugore do aplikojë edhe masat administrative për qytetarët që  nuk zbatojnë rregullat e Qarkullimit Rrugor./abcnews.al

 

 


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono