Polemika të ashpra në Angli

14:56 | 24/09/201714:560

Tifozët anglezë kanë krijuar polemika të forta me këngët e krijuara për futbollistët e tyre. Këngët janë për sulmuesit Lukaku dhe Alvaro Morata.

Premier Liga ka gjetur dy yje të rinj të golit.
Romelu Lukaku I Mançester Junajtid dhe Alvaro Morata I Çelsit kryesojnë renditjen e shënuesve, dhe tifozët kanë nisur t’u këndojnë këngë të krijuara enkas për ta.
Lukakut, që ka qenë edhe më parë në Angli tek Çelsi dhe Evertoni, I është kushtuar një këngë që krijoi shumë debate, pasi në vargjet e saj flitet për madhësinë e organit të tij seksual.
Vetë sulmuesi si dhe trajneri I Junajtidit, Zhoze Murinjo, kërkuan nga tifozët që të mos e bëjnë më, por një pjesë e përkrahësve nuk ua vunë veshin dhe e kënduan pas golit të fitores këtë fundjavë në fushën e Sauthemptonit.
Edhe më problematike kënga e tifozëve të Çelsit për Moratën.
Rivaliteti I ashpër I bluve me Totenhemin, pronari I të cilit është me origjinë hebraike, bëri që vargjet të ishin antisemite.
Reagimi I shoqatave të ndryshme ishte I fortë dhe klubi londinez së bashku me sulmuesin spanjoll kërkuan nga publiku I tyre që të mos këndonin më ashtu.
Për fat të mirë, reagimi I tifozëve blu ishte I ndryshëm nga ai I atyre të Mançester Junajtidit, dhe kënga u këndua, por e ndryshuar.
Morata shënoi tri herë në suksesin 4-0 në fushën e Stouk Sitit dhe tifozët I thurën himne lojtarit që “vjen nga e ngrohta Spanjë, dhe që është më I mirë se Harri Kejn”.
Harri Kejn është sulmuesi kryesor I rivalit të Çelsit, Totenhemit.

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono