Pjesëmarrje e ulët në referendumin për ndalimin e martesave gay në Rumani

22:41 | 07/10/201822:410

Referendumi në Rumani për ndalimin e ligjit qe lejon martesat mes së njëjtës gjini ka regjistruar një pjesëmarrje të ulët të votuesve, që me shumë gjasë do ta bëjë të pavlefshëm. Ky referendum i mbajtur dje dhe sot është mbështetur nga të gjitha partitë parlamentare.

Qytetarë të shumtë në Rumani bojkotuan votimin e së dielës nëse do të sanksionojnë në Kushtetutë se martesa duhet të jetë vetëm midis një burri dhe një gruaje, pasi pjesëmarrja mbeti e ulët në ditën e dytë të referendumit.

Vota shihet si një provë për popullaritetin e Partisë Social Demokratike në pushtet (PSD). Anëtari konservator i Bashkimit Evropian aktualisht bllokon martesat dhe partneritetet civile për çiftet e të njëjtit seks.

Referendumi u organizua nga një grup i shoqërisë civile, i quajtur Koalicioni për Familjen, i cili grumbulloi 3 milionë nënshkrime për të nxitur votimin për të siguruar që çiftet homoseksualë kurrë të mos fitojnë të drejtën për t’u martuar në të ardhmen.

Koalicioni ka marrë mbështetje nga Kisha Ortodokse dhe fetë e tjera, si dhe të gjitha partitë parlamentare, të cilët kanë reklamuar referendumin. Disa përpara mbylljes së qendrave të votimit, pjesëmarrja e votuesve ishte vetëm 16 përqind. Votimi ka nevojë për një normë të pjesëmarrjes prej 30 përqindësh, ose mbi 5 milionë njerëz, që të jetë i vlefshëm.

Para referendumit, dhjetëra anëtarë të Parlamentit Evropian dërguan një letër të hapur për kryeministren e Rumanisë duke i thënë asaj se referendumi ishte një gabim që do të nxiste urrejtje kundër komunitetit LGBT. Gjithashtu referendum është kundërshtuar edhe nga shumë grupime për të drejtat e njeriut./abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono