Pirro Misha prezantohet drejtori i ri i Bibliotekës Kombëtare

15:50 | 02/09/2019

Ministrja e Kulturës Elva Margariti prezantoi zyrtarisht Pirro Mishën si drejtor të ri të Bibliotekës Kombëtare. Misha premtoi kthimin e prestigjit të këtij institucioni. Ndërsa Margariti tha se brenda 2020-ës do të nisë puna për godinën e re të Bibliotekës Kombëtare, në një ambient tjetër.  

Zyrtarisht Pirro Misha mori postin e drejtorit të Bibliotekës Kombëtare . Prezantimi i tij u bë nga ministrja Elva Margariti dhe parardhësja Persida Asllani e cila e mbajti këtë post prej 5 vitesh.

Edhe pse është marrë me librin gjithë jetën, ky është ambjenti më i rëndësishëm që ruan kujtesën e shkruar, thekson Misha. Si mision të rëndësishem ka marrë përsipër kthimin e prestigjit të saj, që në ballinë, thekson Misha.

Ministrja Margariti bie dakored me drejtorin e ri. Por si kryeprioritet qëndron ndërtimi i godinës së re të Bibliotekës Kombëtare në një hapësirë tjetër. Elva Margariti pranon se projekti është në zhvillim e sipër dhe pritet të jetësohet në 2020.

Pasurimi i koleksionit të huaj mbi Shqipërinë është një prej sfidave të drejtorit Misha munguar prej më shumë se 8 vitesh në këtë institucion.

Biblioteka Kombëtare është një prej institucioneve më të rëndësishëm në vend, e cila tashmë është në prag të 100 viteve nga themelimi i saj. /ABC news Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono