Piketohet pasuesi i Suarez, Barcelona e gjen në Serie A

17:11 | 22/10/201917:110

Luis Suarez feston 33-vjetorin e lindjes janarin e ardhshëm. Uruguaiani mbetet një nga sulmuesit më të mirë në planet, por nuk premton edhe shumë sezone në nivele të larta. Barcelona po monitoron prej kohësh për zëvendësuesin e tij, por nuk dëshiron të nxitohet.

Gjithsesi, kampionët e Spanjës kanë një lojtar të preferuar. Calciomercato raporton se dëshira e madhe quhet Lautaro Martinez. Argjentinasi po bën mirë me Interin dhe deri në këtë pikë të sezonit ka shënuar pesë gola mes kampionatit dhe Champions League.

22-vjeçarit i mjaftuan dy minuta për të gjetur golin në përballjen Barcelona-Inter. Ai ka një kontratë deri në vitin 2021 me zikaltrit dhe klauzola e largimit është 111 milionë euro. Interi po punon për t’i dhuruar një rinovim edhe për tre vite të tjera dhe shpreson që të vendosë një klauzolë prej 150-200 milionë eurosh. /abcnews.al

Martinez duke festuar golin e shënuar në Camp Nou

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono