“Pesha e Hazard s’është problem, Courtois është i sëmurë!”

21:42 | 09/10/201921:420

Trajneri i Belgjikës, Roberto Martinez, ka folur për dy belgët e Real Madrid, Eden Hazard dhe Thibaut Courtois. Të dy lojtarët kanë marrë shumë kritika këtë sezon, njëri për mbipeshë, tjetri për gabimet e shumta mes shtyllave.

Martinez i ka mbrojtur të dy lojtarët e tij, duke thënë: “Hazard është ndër më të mirët në botë. Mbipeshë apo nënpeshë, ai bën diferencën. Ai do të ketë minuta në këmbët e tij në dy ndeshjet e ardhshme, synojmë të kualifikohemi sa më shpejt. Edhe kur të kthehet te Real Madrid, jam i bindur se do të bëjë shumë mirë.

Courtois është i sëmurë, ka një problem në bark. Ka disa simptoma që i shkaktojnë dhimbje, por gjithçka do të kalojë. Edhe ai do të ketë minuta, është një nga portierët më të mirë në botë. Jemi me fat që e kemi në skuadër dhe kështu duhet të ndihen edhe te Real Madrid”, përfundoi strategu i Belgjikës./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono