Përplasja Zidane-Bale, Ramon Kalderon: Perez ka premtuar shitjen e Gareth Bale

23:38 | 22/07/201923:380

Gareth Bale është i padëshirueshëm ti Real Madrid. Ish presidenti i madrileneve, Ramon Kalderon ka theksuar se Florentino Perez i ka premtuar trajnerit Zidane shitjen e uellsianit.

Merkatoja e Real Madrid mund te konsiderohet e bllokuar nga situata ku aktualisht ndodhet Gareth Bale. Madrilnet kanë shpenzuar shuma të majme por afrimet e reja nuk mund të zyrtarizohen pa u zgjidhur përfundimisht e ardhmja e Gareth Bale. Pak ditë më parë trajneri Zidane deklaroi hapur se Bale duhet të largohet, sa më shpejt aq më mirë.

Një mesazh i qartë për uellsianin i cili nëse vendos të qëndrojë në Bernabeu aktivizimi do të jetë me pikatore. Ish presidenti i Real Madrid, Ramon Kalderon deklaron se problemet e Zidan dhe Bale kanë nisur para largimit nga francezit vitin e kaluar.

Ish numri një i skuadrës madrilène zbulon më tej se presidenti aktual i Real Madrid, për ta bindur Zidanin që të rikthehej i ka premtuar largimin e Bale.

Situata e krijuar tek Reali është mjaft e vështirë për të gjithë. Në fundin e sezonit të kaluar, Zidane nuk e kishte në plan Bale dhe preferonte të mbante Ronaldon por ndodhi e kundërta. Presidenti nuk e ndoqi këshillën e Zidane i cili vendosi të largohej.

Kur u rikthye në mesin e sezonit të kaluar, Perez i premtoi se Bale nuk do të ishte pjesë e skuadrës në sezonin e ri. Fjalët e Zidane pak ditë më parë tregojnë se e ka humbur durimin me presidentin dhe dëshiron me çdo kusht largimin e 31 vjeçarit.

Skuadra e Interesuar për shërimet e Bale është Manchester United dhe ish skuadra e Totenhem. Uellsiani mund të përdoret nga madrilenët për të sjellë Pogbanë në Madrid./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono