Përplasja Rama-Meta/ Patozi: Presidenti shkeli Kushtetutën

18:14 | 06/11/2018

Turp të Republikës dhe rënie të shtetit e ka konsideruar Astrit Patozi përplasjen e Ramës dhe Metës në lidhje me mosdekretimin e Sandër Lleshit si ministër i Brendshëm nga Presidenti. Në studion e “Mbrëmje në ABC News” Patozi tha se Presidenti Ilir Meta ka shkelur rëndë kushtetutën.

“Përplasja Rama -Meta për mosdekretimin e Lleshit është anormale. E shëmtuar që njëra palë pranon Ramën dhe tjetra Metën. Në ka një moment kur çdo njeri duhet të largohet nga Rama e Meta është ky. Është turpi i Republikës. Meta ka shkelur rëndë kushtetutën, por nuk ka kushtetutë fare”.

Sipas tij, Ramës iu kthye në boomerang nisur nga fakti i zgjedhjes së Presidentit, të cilënPatozi e konsideorn një farsë.

“Nuk është fare pa faj Rama, i cili po korr atë që ka mbjellë vetë, se kam thënë atëherë që kjo është farsë, zgjedhja e presidentit. U konsiderua si kafaz ku mund të mbyllej kundërshtari politik pasi ke prerë thonjtë .Kjo u kthye në bumerang. Është rënia e shtetit”.

Ajo që bëri Meta, thekson Patozi është ikje nga principi:  “Me qetësi e dashuri” dhe shenjë e qartë nervozizmi. Sipas tij Meta do protagonizëm politik.

“Ajo që bëri Meta është ikje nga principi:  me qetësi e dashuri, ishte shenjë e qartë nervozizmi. Një lojtar i politikës që nuk pajtohet me rolin sekondar që i kanë caktuar.

Më zbavit ideja se dy kundërshtarët e  mi politikë po zihen me njëri- tjetrin dhe kokat hëngshin, por si qytetar nuk me lejohet të them këtë, mund të kenë debate, po jo të zihen me thelbin e shtetit.

Meta do protagonizëm politik, por Ilir Meta ka një problem, që nuk mund të bëjë udhëheqësin e opozitës kur është President dhe kryetari i opozitës po bën Presidentin”./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono