Përplasja me armë në Vlorë/Arrestohen 3 të plagosurit

16:02 | 28/02/201816:020

Pas atentatit me armë zjarri, mbrëmjen e të martës, Policia e Vlorës ka shpallur në kërkim dy personat, ndërkohë që ka arrestuar tre të plagosurit në këtë ngjarje.

Policia e Vlorës arrestoi të tre personat, që u plagosën në një sulm me armë mbrëmjen e së martës. Por, ndërkohë shpalli në kërkim dy persona të dyshuar si autorë të ngjarjes. Ata janë Petrit Alilaj dhe Elis Murataj. Alilaj është pronar i automjetit Fuoristradë e cila u gjet në vendin e ngjarjes. Nga ky mjet dyshohet se u qëllua në drejtim të mjetit “Fiat Punto”, në të cilin ndodheshin Gazmend Canaj, Taulant Beqiri, dhe Elis Llanaj. Këta të tre, njëeri prej të cilëve në gjendje të rëndë, akuzohen për armëmbajtje pa leje dhe tentativë vrasje. Përplasja me armë zjarri ndodhi në lagjen “28 Nëntori”, pranë Kishës Ortodokse. Sipas Policisë, dy grupet të cilët lëviznin me 2 automjete pasi u konfliktuan me njëri-tjetrin, për motive të cilat nuk bëhen të dituara për arsye hetimore, kanë qëlluar mbi njëri-tjetrin me armë zjarri. Policia ka sekuestruar në vendngjarje një armë zjarri tip pistoletë, 10 gëzhoja dhe 2 automjete./abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono