Përmbytet tregu i ri në Gjirokastër

17:00 | 11/01/2019

Reshjet në Gjirokastër nuk kanë shkaktuar probleme vetëm nëpër rrugë dhe në fshatra. Tregu i sapo ndërtuar në qytet është përmbytur. Reshjet e borës dhe të shiut kanë përfunduar brenda dhe kanë dëmtuar mallrat e tragtarëve.

Për ndërtimin e tij u hodhën 29 milionë lekë. Por pas gjashtë muajsh, çfarë bie jashtë hyn brenda. Janë pamjet e tregut industrial në Gjirokastër. 60 tregtarët me aktivitet të përditshëm aty e pritën me festë të madhe inaugurimin e tij.

“Që kur ka filluar tregu e kemi vënë në dukje që kjo do pikëjë. Kanë ardhur dhe nuk kanë vënë ujin në zjarr”.

Tani me nisjen e reshjeve gjithçka është ndryshe. Uji ka përfunduar brenda dhe malli është dëmtuar.

“Janë lagur. Siç e shikoni i kemi varur të tëra janë të lagura”.

“Shumë keq”.

Tregtarët paguajnë rregullisht 6 mijë lekë në muaj si taksë në Bashki. Ata kërkojnë ndërhyrje emergjente pasi në kushte të tilla u duhet të grumbullojnë mallin dhe të pezullojnë aktivitetin./abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono