Përfaqësimi i PD në KZAZ, Manja: Informacione rruge, regjistrimi i mbyllur

20:47 | 16/05/2019

Kryetari socialist i Komisionit të ligjeve thotë se formalisht procesi në KQZ është mbyllur me regjistrimin e partive e kandidatëve për vendoret e 30 qershorit. Ulsi Manja hodhi poshtë pretendimet e opozitës për manipulim të zgjedhjeve nga mazhoranca, duke i konsideruar si informacione jo serioze kafenesh nga një opozitë në rrugë.

Vendimi më i fundit i Partisë Demokratike për t’u përfaqësuar në KZAZ dhe KQV, pa marrë pjesë në zgjedhje është komentuar në studion e Mbrëmje në ABC News nga deputeti socialist Ulsi Manja. Sipas tij PD duke qenë në rrugë ushqehet me informacione kafeneje, pasi procesi i regjistrimit është ligjërisht i mbyllur dhe zgjedhjet vendore administrohen nga KAZAZ-të.

“Është në vazhdën e informacioneve që PD i mbledh në kafene, se kur je në rrugë me ato informacione do ushqehesh, nuk përfaqësohet në KQZ e KAZAZ dhe informacionet i merr nga rruga dhe kjo s’më duket serioze, e dyta PD dhe LSI kanë vendosur të përfaqësohen në KQV e KAZAZ pa marrë pjesë në proces. Unë nuk dua të hyj në teknikalitete juridike. Procesi në këtë moment është ligjërisht i mbyllur. Kodi Zgjedhor ka afate për regjistrimin e kandidatëve, listave dhe këshilltarëve respektivë.

Nga pikëpamja ligjore procesi është ligjërisht i mbyllur dhe këto zgjedhje administrohen nga KAZAZ vendore dhe KAZAZ janë ngritur dhe KQV janë derivat.

PD do të duhet t’u thotë qartë shqiptarëve do hyjë në zgjedhjet e 30 qershorit apo jo, sepse në këtë moment PD u thotë shqiptarëve që ne s’do jemi pjesë e dasmës, por do jemi zotërit e dasmës do vimë të shohim si bëni ju dasmën. Që në këtë deklarim tregon mosseriozitetin dhe problemi këtu është politik”.

I pyetur nëse ka hapësirë për shtyrje të datës së zgjedhjeve me konsensus, Manja tha: “Datën e zgjedhjeve nuk e kemi vendosur ne, ne kemi detyrimin kushtetues t’u shkojmë shqiptarëve me një alternativë, e drejta e zgjedhjes është e qytetarëve jo e jona”. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono