PD: Rama kontroll mbi prokurorinë, asnjë hetim e arrestim për krimin elektoral

12:58 | 09/10/201912:580

Kush i ka harruar akuzat ndaj Valdrin Pjetrit, Agim Kajmakut e Mark Babanit ua kujton Partia Demokratike. Janë kryebashkiakët socialistë e shkuara e rë cilëve i ndalon të jenë në atë detyrë sipas demokratëve.

Përveç Valdrin Pjetrit që u dorëhoq, kryebashkiaku i Vorës dhe ai i Vaut të Dejës vazhdojnë të qeverisin bashkitë. Arsyeja pse mbizotëron heshtja nga institucioni i akuzës e ka një autor sipas Enkelejd Alibeajt.

“Megjithëse kanë kaluar disa javë nga denoncimi i tyre, kriminelët e Ramës vazhdojnë të drejtojnë bashkitë, vazhdojnë të  mos përballen me drejtësinë për shkak të mosveprimit të prokurorisë”.

Hesht prokuroria sipas Partisë Demokratike edhe për denoncimet që i kanë referuar prej tre muajsh në prokurori për shkeljet në zgjedhjet e 30 Qershorit.

“Deri tani:

  • Nuk ka asnjë procedim penal të regjistruar.
  • Nuk ka asnjë person të hetuar.
  • Nuk ka asnjë person të arrestuar”.

Hetimi i krimeve elektorale është një nga 9 kushtet e vendosura nga  Bundestagu gjerman për hapjen e negociatave me Shqipërinë,por rezultate nuk po shohin askund nga selia blu.

“Duke mos regjistruar zyrtarisht asnjë procedim penal që lidhet me zgjedhjet, Prokuroria ka zhvlerësuar  edhe ODIHR-in, i cili thekson se ishte dëshmitar i rasteve të kërcënimit të votuesve dhe shkeljes së fshehtësisë së votës në qendrat e votimit”.

Të gjitha këto sipas Partisë Demokratike tregojnë se nën kontrollin e Edi Ramës po veprohet kundër vullnetit të Bashkimit Europian për nisjen e negociatave të anëtarësimit me Shqipërinë./ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono