PD: Rama gjobit mjekët që nuk plotësojnë kuotat e check-up nga qytetarët

14:32 | 17/10/2018

Investigimi i emisionit STOP i cili zbardhi shqetësimin e mjekëve dhe infermierëve të cilët detyrohen përmes kontratave të punës që të punojnë për plotësimin e kuotave të koncesionit të check-up.

Solli reagimin e Partisë Demokratike, e cila këtë akuzë drejtuar qeverisë e ka artikuluar prej muajit shkurt të këtij viti.

“Nëpërmjet një kontrate të paligjshme, që prej 31 janarit, Edi Rama ka detyruar mjekët të pranojnë të punojnë për të shtuar numrin e personave që bëjnë check up, përndryshe ata gjobiten deri në 300 mijë lekë. Skema që detyron mjekët dhe infermierët të punojnë për koncesionarin korruptiv synon të mbulojë dështimin e konçesionit 120 milionë eurosh”.

Kjo sipas deputetes demokrate Orjola Pampuri, vetëm që klientja e kryeministrit Vilma Nushi, të vazhdojë të paguhet miliona euro për një shërbim të pakryer, pavarsisht zgjerimit të fashës së moshës që përfiton nga ky shërbim, apo manipulimit të të dhënave të atyre që e kanë marrë atë, që sipas demokratëve sërisht nuk kalojnë 27% të shqiptarëve.

“Partia Demokratike është e vendosur të anulojë koncesionin e dështuar të check up-it dhe çdo koncesion tjetër korruptiv!”

Do të jetë ligji i amenduar antimafia ai që çdo pasuri dhe qindarkë të grabitur do ua kthejë qytearëve, përfundon deklarata e selisë blu./abcnews.al

 

 

 



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono